ਮਾਨਸਾ ਵਿੱਚ ਸੀਬੀਆਈ ਮੈਡੀਕਲ ਸਟੋਰਾਂ ਉਤੇ ਛਾਪੇਮਾਰੀ; ਮੁਲਜ਼ਮ ਅਸ਼ਵਨੀ ਦੇ ਗੁਦਾਮ ਦੀ ਹੋਈ ਚੈਕਿੰਗ

CBI Raid in Mansa: ਮਾਨਸਾ ਵਿੱਚ ਨਸ਼ਾ ਵਿਰੋਧੀ ਕਾਰਕੁੰਨ ਪਰਵਿੰਦਰ ਸਿੰਘ ਝੋਟੇ ਦੀ ਕਤਲ ਮਾਮਲੇ ਤੋਂ ਬਾਅਦ ਲਗਾਤਾਰ ਸੀਬੀਆਈ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ। ਮਾਨਸਾ ਵਿੱਚ ਸੀਬੀਆਈ ਵੱਲੋਂ ਮੈਡੀਕਲ ਹਾਲ ਅਤੇ ਮੈਡੀਕਲ ਸਟੋਰਾਂ ਤੇ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। ਕਈ ਅਧਿਕਾਰੀਆਂ ਨੇ ਬਾਰੀਕੀ ਨਾਲ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਅੱਜ ਸਵੇਰੇ ਹੀ ਸੀਬੀਆਈ ਵੱਲੋਂ ਮਾਨਸਾ ਸ਼ਹਿਰ ਦੇ ਵਿੱਚ ਪਰਵਿੰਦਰ ਸਿੰਘ ਝੋਟਾ ਨੂੰ ਕਤਲ ਕਰਨ ਵਾਲੇ ਅਸ਼ਵਨੀ ਕੁਮਾਰ ਅਤੇ ਹੋਰ ਮੈਡੀਕਲ ਮਾਲਕਾਂ ਦੇ ਗੁਦਾਮਾਂ ਉਤੇ ਛਾਪੇਮਾਰੀ ਕੀਤੀ ਜਾ ਰਹੀ ਹੈ ਤੇ ਇਸ ਸੀਬੀਆਈ ਦੇ ਖੌਫ ਕਾਰਨ ਮਾਨਸਾ ਦੇ ਕਈ ਮੈਡੀਕਲ ਸਟੋਰ ਬੰਦ ਹੋ ਚੁੱਕੇ ਹਨ ਅਤੇ ਕਈ ਦਿਨਾਂ ਤੋਂ ਤਾਲੇ ਲਗਾ ਕੇ ਮੈਡੀਕਲਾਂ ਦੇ ਮਾਲਕ ਫਰਾਰ ਹਨ ਕਿਉਂਕਿ ਪਰਵਿੰਦਰ ਸਿੰਘ ਝੋਟਾ ਵੱਲੋਂ ਮਾਨਸਾ ਦੇ ਵਿੱਚ ਬਹੁਤ ਸਾਰੇ ਮੈਡੀਕਲਾਂ ਤੇ ਨਸ਼ੀਲੇ ਕੈਪਸੂਲ ਵੇਚਣ ਦੇ ਦੋਸ਼ ਲਗਾਏ ਜਾਂਦੇ ਸਨ ਅਤੇ ਉਨ੍ਹਾਂ ਵੱਲੋਂ ਕਈ ਲਿਸਟਾਂ ਵੀ ਤਿਆਰ ਕੀਤੀਆਂ ਗਈਆਂ ਸਨ। ਕਿਤੇ ਨਾ ਕਿਤੇ ਸੀਬੀਆਈ ਦੇ ਹੱਥ ਪਰਵਿੰਦਰ ਸਿੰਘ ਝੋਟਾ ਦੀਆਂ ਉਹ ਲਿਸਟਾਂ ਲੱਗੀਆਂ ਹਨ ਜਿਸ ਕਾਰਨ ਮਾਨਸਾ ਦੇ ਵੱਖ ਵੱਖ ਮੈਡੀਕਲਾਂ ਉਤੇ ਸੀਬੀਆਈ ਦੀ ਰੇਡ ਚੱਲ ਰਹੀ ਹੈ।

ਅੱਜ ਸਵੇਰੇ, ਸੀਬੀਆਈ ਨੇ ਮਾਨਸਾ ਦੇ ਵੀਰ ਨਗਰ ਇਲਾਕੇ ਵਿੱਚ ਦੋ ਮੈਡੀਕਲ ਸਟੋਰਾਂ ਦੇ ਗੋਦਾਮਾਂ 'ਤੇ ਛਾਪਾ ਮਾਰਿਆ। ਮੁਲਜ਼ਮਾਂ ਵਿੱਚੋਂ ਇੱਕ ਅਸ਼ਵਨੀ ਕੁਮਾਰ ਨਾਮ ਦਾ ਕੈਮਿਸਟ ਹੈ। ਗੋਦਾਮ ਦੇ ਤਾਲੇ ਖੋਲ੍ਹਣ ਲਈ ਇੱਕ ਪਲੰਬਰ ਨੂੰ ਬੁਲਾਇਆ ਗਿਆ ਸੀ। ਸੀਬੀਆਈ ਟੀਮ 20 ਅਕਤੂਬਰ ਨੂੰ ਸਵੇਰੇ 12 ਵਜੇ ਦੇ ਕਰੀਬ ਮਾਨਸਾ ਪਹੁੰਚੀ।

ਇਹ ਵੀ ਪੜ੍ਹੋ : Punjab Breaking Live Updates: CM ਭਗਵੰਤ ਮਾਨ ਦਾ ਅੱਜ ਪਟਿਆਲਾ ਦੌਰਾ; ਪੰਜਾਬ ਦੇ ਲੋਕਾਂ ਨੂੰ ਦਿੱਤਾ ਵੱਡਾ ਤੋਹਫ਼ਾ, ਇੱਥੇ ਜਾਣੋ ਵੱਡੀਆਂ ਖ਼ਬਰਾਂ

ਉਦੋਂ ਤੋਂ, ਟੀਮ ਲਗਾਤਾਰ ਜਾਂਚ ਕਰ ਰਹੀ ਹੈ। ਇਸ ਦੌਰਾਨ ਪੰਜਾਬ ਦੇ ਸਾਰੇ ਥੋਕ ਅਤੇ ਪ੍ਰਚੂਨ ਕੈਮਿਸਟਾਂ ਨੇ ਤਿੰਨ ਕਿਸਮਾਂ ਦੀਆਂ ਦਵਾਈਆਂ ਦੀ ਵਿਕਰੀ 'ਤੇ ਪਾਬੰਦੀ ਦਾ ਐਲਾਨ ਕੀਤਾ ਹੈ। ਇਨ੍ਹਾਂ ਵਿੱਚ ਟ੍ਰਾਮਾਡੋਲ, ਪ੍ਰੀਗਾਬਾਲਿਨ, ਅਤੇ ਸਾਰੀਆਂ ਮਨੋਰੋਗ ਅਤੇ ਨਸ਼ੀਲੀਆਂ ਦਵਾਈਆਂ ਸ਼ਾਮਲ ਹਨ।

ਇਹ ਵੀ ਪੜ੍ਹੋ : ਕਾਰ ਤੇ ਈ ਰਿਕਸ਼ਾ ਦੀ ਟੱਕਰ ਮਗਰੋਂ ਚੱਲੇ ਇੱਟਾਂ ਰੋੜੇ; ਚਾਲਕ ਨੇ ਬੋਨਟ ਉਤੇ ਲਟਕੇ ਨੌਜਵਾਨ ਨੂੰ ਲੈ ਕੇ ਭਜਾਈ